صدى الزواقين Echo de Zouakine
مرحبا بك عزيزي الزائر. المرجو منك أن تعرّف بنفسك و تدخل المنتدى معنا ...اذا لم تكن قد تسجلت بعد نتشرف بدعوتك للتسجيل في المنتدى.

بغيت نتزوج آلوليدة !!

استعرض الموضوع السابق استعرض الموضوع التالي اذهب الى الأسفل

بغيت نتزوج آلوليدة !!

مُساهمة من طرف sabil في السبت 14 ديسمبر 2013 - 19:43

الواليدة راني فكرت نتزوج بغيتك تخطبي ليا
نكمل ديني و ندير فراسي مزية
فرحتيني اولدي واش حاط عينك على شي درية
ميمتي راني كنبغي بنت سميتها وردية
و حتى هي كتبغيني و راضية عليه
وصارحتها بالموضوع لكن شرطات عليا
قالت نسكن وحدي واخا غير تكري ليا
بغيت التيقار و نكون واخدة الحرية
ما نتحاك مع عائلتك غيكون حسن ليها و ليا
آش هاد الكلام اولدي و آش هاد قلة النية...
الى كانت تبغيك بصح غتبغي عائلتك حتى هي
ظاهرة هادي شي لفعة بغا تبعدك عليا
دير بكلامي و خود بنت عمك السعدية
الزين و الحداكة و كبرات في العروبية
رمانة مغمضة ما تشرط عليك و لا عليا
كلامك هو اللول اميمتي مخليتي جهد عليا
مشات الام تخطب و دير بالوصية
ورجعات مهمومة تقول هزات كاع حمل الدنيا
آش واقع يا ميمتي قولي متخبيش عليا
اولدي راني ندمت حتى مشيت نشوف هاد الخطية
قال لك بنتي ما هي رخيصة عليا
تجيبو الخطبة لعندنا بالهدية
و الدهاز يكون رفيع و بالدقة المراكشية
و العرس يدوز فاحسن قاعة مغربية
و شهر العسل بغاتو يكون في تركيا
بغيت نفرح ببنتي راها غالية عليا
قولي لو خلي بنتك فدارك محضية
بناقص من هاد الزواج نبقى رواسي خير ليا
اولا عرفتو نقدر لقا شي بنت في الفيسبوك تقبل عليا
لي عجبتها دير جيم و تكومنتي ليا
ولا تبارطاجي مع صحاباتها دير اجر فيا
هههههههههه

أسماء الخطفي
(منقول)

sabil

ذكر عدد الرسائل : 586
العمر : 38
Localisation : Errachidiya
Emploi : موظف
تاريخ التسجيل : 01/03/2007

الرجوع الى أعلى الصفحة اذهب الى الأسفل

رد: بغيت نتزوج آلوليدة !!

مُساهمة من طرف nezha في الأحد 15 ديسمبر 2013 - 6:12

عش اولدي في العزوبية  احسن ما كاين في هذه الدنيا

الزواج بالعروبية كله خطية و بالمدينية نهار في الكوميسيريا  ونهار غاديا عند والديا

nezha

ذكر عدد الرسائل : 6220
العمر : 53
Localisation : s/a/g
تاريخ التسجيل : 16/04/2008

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى