مزالا العنصرية : عزيز الطهري (زجال مغربي)

مزالا العنصرية
والحكرة مزالا
فصفوف المغاربة
وبينتهم دايرا حالا
==========
كاين للكبرفدمو
ومعه كابر سلالا
يفتخر بنسبو
وبيه كيتعالا
=========
يكول انا اصلي فاسي
بالاد الفرسان والخيالة
ولاخور اصلو دميم
وجاي غي من جبالة
=============
وهدا يكول انا من الرباط
العاصمة والحضارة
ولاخور غير العروبي
جاي من جهة عبدة ودكالة
==========
انا مجوج درية عزبة
وهوامجوج الهجالة
هوا والد البنات
وناوالد الرجالة
==========
ولاواحدة تعير واحدة
بمعيور فيه بسالا
انا عندي بوتيو امود
ونتيالابسة صندالة
==========
عايشة نتمتع بحياتي
ونتي فحياتك عكالة
ونا ساكنة ففيلا زوينة
ونيا ساكنة فنوالة
===========
وراكبة فالكاط كاط
وعليا ضلالة
ونتي فالشموشات غدا
وعلى رجليك داربا طوالة
==============
انا نلبس من الفيترينا
ومانوقافش حدا البشحالة
ونيا لابسة من القديم
شارياه من غند الدلالة
=============
انا نتقضى من السوبير
مرخصا ليه العمالة
وني تقضاي من الجوطية
الخضارة منوضين فيها قربالة
================
حنا حدنا جردا زوينة
وسكنتنا على البحارطلالة
ونتيا ساكنة غي فالكريان
وحداكم زبالة
==============
انا ماما قاضية
وكتحاكم من ولا
ونتيا اموك طيابة
اوفالحمام كسالا
==========
انا ماما طبيبة عيون
تحيد العماش والجلالة
ونتيا موك دور على اليور
وعندهم خدامة غسالة
=============
انا واحدة ساكنة فداري
وشادة راحتها واستقلالا
ونتيا ساكنة فديور الكرا
ديما هزا رحيلك وجوالة
==============
بابا لابس الكرفاطة
ولابس الفيستا بسرولا
ونتيا بابك لابس قشابة
وفوق منها دربالة
===========
انا نتقضى بكاط كيشي
ورصيدي ميتسالا
ونتيا تقضاي من الحومة
بالكريدي من عند البقالة
==============
انافالحي كلو هدوء
مواليه واكلين سمقالة
ونتيا ساكنة فاحي الاجرام
بين الصداع والقتالا
=============
هداكلام فارغ ساقط
وصادر عن ناس جوهالا
مايكلوه الناس الواعين
ولا يكلوه الناس العقلا
==========