صدى الزواقين Echo de Zouakine
مرحبا بك عزيزي الزائر. المرجو منك أن تعرّف بنفسك و تدخل المنتدى معنا ...اذا لم تكن قد تسجلت بعد نتشرف بدعوتك للتسجيل في المنتدى.

انضم إلى المنتدى ، فالأمر سريع وسهل

صدى الزواقين Echo de Zouakine
مرحبا بك عزيزي الزائر. المرجو منك أن تعرّف بنفسك و تدخل المنتدى معنا ...اذا لم تكن قد تسجلت بعد نتشرف بدعوتك للتسجيل في المنتدى.
صدى الزواقين Echo de Zouakine
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

الموت !!

اذهب الى الأسفل

الموت !! Empty الموت !!

مُساهمة من طرف abdelhamid الخميس 15 أكتوبر 2015 - 18:20

الموت !! 1395581208809510582315542101158177360692824751508n

ﺟﺎ ﺧﻮﻳﺎ ﺑﺎﺵ ﺇﻓﻴﻘﻨﻲ ﻣﻦ ﺍﻟﻨﻌﺎﺱ ﻋﻴﻂ ﻋﻠﻴﺎ ﻣﺎﺟﺎﻭﺑﺘﻮﺵ ﻋﺎﻭﺩ ﻋﻴﻂ ﻭﺍﻟﻮ ﺣﻴﺪ ﻟﻴَّﺎ ﺍﻟﻤﺎﻧﻄﺎ ﺃﻭﺣﺮﻛﻨﻲ ﻣﺰﻳﺎﻥ ﻣﺎﻓﻘﺘﺶ، ﻋﻨﻜﺸﻨﻲ ﺗﺎﺑﻐﻴﺖ ﻧﺪﻭﺭ ﻓﻴﻪ ﻋﻠﻰ ﺍﻟﺘﺒﺮﺯﻳﻂ ﺩﻳﺎﻟﻮ ﻭﺍﻻﻛﻴﻦ ﻣﺎﻗﺪﻳﺘﺶ، ﺷﻔﺖ ﻭﺟﻬﻮ ﺻﻔﺎﺭ ﺃﻭﻣﺸﺎ ﻋﻴﻂ ﻋﻠﻰ ﺍﻟﻮﺍﻟﻴﺪﺓ ﻧﺰﻻﺕ ﻋﻴﺎﺕ ﻣﺎﺗﻔﻴﻖ ﻓﻴَّﺎ ﻭﺍﻧﺎ ﺟﺎﻣﺪ ﻓﺒﻼﺻﺘﻲ ﺃﻭﻫﻴَّﺎ ﺗﻐﻮﺕ، ﻧﺰﻝ ﺧﻮﻳﺎ ﻟﻜﺒﻴﺮ ﻛﺎﻳﺠﺮﻱ ﻓﺎﺵ ﺳﻤﻌﻬﺎ، ﻟﻘﺎﻧﻲ ﻣﺠﺒﺪ ﺩﺍﺭ ﺇﻳﺪﻳﻪ ﻋﻠﻰ ﻗﻠﺒﻲ ﺗﺼﺪﻡ ﺃﻭﻫُﻮَّﺍ ﺇﻳﮕﻮﻝ ﻟﻴﻬﻮﻡ ﻋﺜﻤﺎﻥ ﻣﺎﺕ، ﺷﺪﺍﺗﻨﻲ ﺿﺤﻜﺎ ﻭﺍﻻﻛﻴﻦ ﻣﺎﺿﺤﻜﺘﺶ ﺃﻭﻣﺎﻋﺮﻓﺘﺶ ﻋﻼﺵ ﻣﺎﻗﺪﻳﺘﺶ ﻧﺘﺤﺮﻙ ﺃﻭﻻ ﻧﻬﺪﺭ، ﻧﺎﺿﺖ ﺭﻭﻳﻨﺎ ﻓﺪﺍﺭ ﻟﻮﺍﻟﻴﺪ ﺗﺎﻫﻮَّﺍ ﺟﺎ ﻣﻦ ﺍﻟﺨﺪﻣﺔ، ﻭﺍﺣﺪ ﺷﻮﻳﺔ ﺟﺎﺕ ﻟﻮﻣﺒﻴﻼﻧﺺ ﻫﺰﻭﻧﻲ ﺃﻭﻏﻄﺎﻭ ﻭﺟﻬﻲ، ﻓﺪﻳﻚ ﻟﺤﻀﺎ ﻋﺮﻓﺖ ﺑﻠﻲ ﻣﺖ ﺩﻳﺎﻝ ﺑﺼﺎﺡ ﻣﺎﻓﻴﻬﺎﺵ ﺗﺨﺮﺷﻴﺶ، ﺟﺎﺗﻨﻲ ﻋﺠﺐ ﻣﺎﺗﻴﻘﺘﺶ، ﻛﻴﻔﺎﺵ؟؟ ﻏﺎﻧﺘﻐﻴﺐ ﻟﻴﻮﻡ ﻋﻞ ﻻﻓﺎﻙ ﺃﻭ ﺩﺭﺍﺭﻱ ﻟﻲ ﺩﺭﺕ ﻣﻌﺎﻫﻮﻡ ﻧﻤﺸﻴﻮ ﻟﺒﺤﺮ ﻧﻬﺎﺭ ﻟﺤﺪ ... ﻣﺎﺑﻘﺎﺗﺶ ﻟﻴَّﺎ ﺍﻟﻮﻗﺖ ﺣﺘﻰ ﻓﻴﻦ ﻧﮕﻮﻝ ﻟﻤﺎﻟﻴﻦ ﺩﺍﺭ ﻟﻜﻮﺩ ﺩﻳﺎﻝ ﺍﻟﺒﻮﺭﻃﺎﺑﻞ ﺃﻭﺩﻳﺎﻝ ﺍﻟﻔﺎﻳﺴﺒﻮﻙ، ﺷﺤﺎﻝ ﺩﻳﺎﻝ ﻟﺒﻼﻧﺎﺕ ﻣﺸﺎﻭ، ﻟﻐﺪ ﻟﻴﻪ ﺭﺟﻌﻮﻧﻲ ﻟﺪﺍﺭ ﺃﻭﺩﺧﻠﻮﻧﻲ ﻟﺪﻭﺵ ﺃﻭﻫﻮﺍ ﺇﻳﺪﺧﻞ ﻋﻨﺪﻱ ﻭﺍﺣﺪ ﺷﺎﺭﻑ ﻟﺤﻴﺎ ﺩﻳﺎﻟﻮ ﺑﻴﻀﺔ ﺑﺤﺎﻝ ﺗﻠﺞ، ﺃﻭﺳﺮﺣﻮﻧﻲ ﻓﻮﻕ ﻭﺍﺣﺪ ﻟﭙﺎﺭﺗﻴﺎ، ﻋﺎﺩ ﻋﺮﻓﺖ ﺑﻠﻲ ﺩﺍﻙ ﺷﺎﺭﻑ ﻏﺎﻳﻐﺴﻠﻨﻲ ﺁﺧﺮ ﺗﺪﻭﻳﺸﺔ ﻓﺤﻴﺎﺗﻲ، ﻓﺎﺵ ﺳﺎﻻ ﺩﺍﺭﻭﻧﻲ ﻓﻮﺍﺣﺪ ﻟﻜﻔﻦ ﺑﻴﺾ ﺃﻭﺩﺧﻠﻮﻧﻲ ﻟﺼﺎﻟﻮﻥ ﻟﻘﻴﺘﻮ ﻋﺎﻣﺮ ﺑﺎﻟﻨﺎﺱ، ﺑﺎﻧﺖ ﻟﻴَّﺎ ﻋﻤﺘﻲ ﺃﻭﺑﻨﺘﻬﺎ ﺻﻐﻴﺮﺓ، ﻷﻭﻝ ﻣﺮﺓ ﻧﺸﻮﻑ ﺩﻋﺎﺀ ﮔﺎﻟﺴﺎ ﻣﺎﻛﺎﺗﻠﻌﺒﺶ ﺃﻭﻣﺎﻛﺎﺗﻨﻘﺰﺵ، ﻛﻠﺸﻲ ﻛﺎﻳﺒﻜﻲ ﺃﻭﻛﻮﻟﺸﻲ ﻣﻐﻮﺑﺶ، ﺷﻤﻴﺖ ﺭﻳﺤﺖ ﺍﻟﻤﻮﺕ ﻛﺎﺩﻭﺭ ﺑﻴَّﺎ، ﻭﺍﺣﺪ ﺷﻮﻳَّﺎ ﺑﺪﺍﻭ ﻛﺎﻳﺪﻭﺯﻭ ﻭﺍﺣﺪ ﺑﻮﺍﺣﺪ ﺷﻲ ﻛﺎﻳﻌﻨﻘﻨﻲ ﺃﻭﺷﻲ ﻛﺎﻳﺒﻮﺳﻨﻲ ﻋﻠﻰ ﺭﺍﺳﻲ ﺗﺎﺩﺍﺯﻭ ﻛﺎﻣﻠﻴﻦ ﻋﺎﺩ ﺟﺎﺕ ﻟﻮﺍﻟﻴﺪﺓ ﺷﺪﺍﺕ ﻟﻴَّﺎ ﻓﻴﺪِّﻱ ﺃﻭﺑﺪﺍﻭ ﺩﻣﻮﻉ ﻛﺎﻳﻨﺰﻟﻮ ﻣﻦ ﻋﻴﻨﻴﻬﺎ ﻓﺪﻳﻚ ﻟﺤﻀﺎ ﺗﻤﻨﻴﺖ ﻏﻴﺮ ﺩﻗﻴﻘﺔ ﻭﺣﺪﺓ ﺯﺍﻳﺪﺍ ﻏﻴﺮ ﻧﮕﻮﻝ ﻟﻴﻬﺎ ﻣﺎﺗﺒﻜﻴﺶ ﺃﻭﻧﮕﻮﻝ ﻟﻴﻬﺎ ﺳﻤﺤﻲ ﻟﻴَّﺎ ﺃﻭﺭﺿﺎﻱ ﻋﻠﻴَّﺎ ﺭﺍﻩ ﺭﺿﺎﻙ ﻏﺎﻧﺤﺘﺎﺟﻮ ﻓﺪﻳﻚ ﻟﺒﻼﺻﺎ ﻻﺵ ﻏﺎﺩﻱ، ﻟﻤﻮﻫﻴﻢ ﻧﻮﺿﻮ ﻟﻮﺍﻟﻴﺪﺓ ﻏﻴﺮ ﺑﺰﺯ ﻣﻦ ﺣﺪﺍﻳﺎ ﺃﻭﻫﻮﻣﺎ ﺇﻳﻬﺰﻭﻧﻲ ﺃﻭﺩﺧﻠﻮﻧﻲ ﻟﺪﻳﻚ ﻃﻮﻣﻮﺑﻴﻼ ﺩﻳﺎﻝ " ﻧﻘﻞ ﺍﻷﻣﻮﺍﺕ " ، ﺃﻭَّﺍﻩ ﻫﺎﺩﺷﻲ ﻭﻻَّ ﺑﺼَّﺎﺡ، ﺩﻳﻤﺎﺭﺍﺕ ﺃﻭﺷﺪﻭ ﺑﻴﺎ ﻃﺮﻳﻖ ﻟﺠَّﺎﻣﻊ ﻟﻲ ﺣﺪﺍﻧﺎ، ﻭﺍﻟﻔﺖ ﻧﺪﺧﻞ ﻟﻴﻪ ﻋﻠﻰ ﺭﺟﻠﻲ ﺃﻭﻟﻴﻮﻡ ﺩﺧﻠﻮﻧﻲ ﻓﺘﺎﺑﻮﺕ ﺑﺤﺎﻝ ﺷﻲ ﻣﻴﺖ !! ﺻﻼَّﻭ ﺍﻟﻌﺼﺮ ﺃﻭﻓﺎﺵ ﺳﺎﻻﻭ ﺳﻤﻌﺖ ﻟﻔﻘﻴﻪ ﮔﺎﻟﻴﻬﻮﻡ ﺟﻨﺎﺯﺓ ﺭﺟﻞ ﺃﻭﻫﻮﻣﺎ ﺇﻳﻨﻮﺿﻮ ﺑﺎﺵ ﺇﻳﺼﻠﻴﻮ ﻋﻠﻴَّﺎ، ﺃﻭ ﻓﺼﻒ ﻟﻮﻝ ﺑﺎﻧﻮ ﻟﻴﺎ ﻭﻻﺩ ﺳﻴﻜﺘﻮﺭ ﻛﺎﻣﻠﻴﻦ ﺃﻭﺑﺎﻧﻮ ﻟﻴﺎ ﺷﺤﺎﻝ ﻣﻦ ﺻﺤﺎﺑﻲ ﻣﻦ ﻏﻴﺮ ﻭﻻﺩ ﺩﺭﺏ، ﮔﺎﻉ ﺟﻤﻌﺘﻬﻮﻡ ﺍﻟﻴﻮﻡ ﻟﺼﻼ، ﺻﺎﻓﻲ ﺻﻠَّﺎﻭ ﺃﻭﺑﺪﺍ ﻟﻔﻘﻴﻪ ﻛﺎﻳﺪﻋﻲ ﻟﻴَّﺎ ﺑﺎﻟﺮﺣﻤﺔ ﻭﺍﻟﻤﻐﻔﺮﺓ، ﺩﺍﺯ ﺩﺍﻙ ﻟﭙﺮﻭﺗﻮﻛﻮﻝ ﺃﻭ ﻓﻠﺒﻼﺻﺎ ﻫﺰﻭﻧﻲ ﻋﺎﻭﺗﺎﻧﻲ ﻟﺪﻳﻚ ﻃﻮﻣﻮﺑﻴﻼ ﺃﻭﺷﺪﻭ ﻃﺮﻳﻖ ﻟﻤﻘﺒﺮﺓ، ﻭﺻﻠﻨﺎ ﻧﺰﻟﻮﻧﻲ ﺃﻭﻟﻘﻴﺖ ﻟﻘﺒﺮ ﻣﺤﻔﻮﺭ !! ﻣﺎﻟﻬﻮﻡ ﻋﻠﻰ ﻫﺎﺩ ﺯﺭﺑﺎ، ﺃﻧﺎ ﻣﺎﺳﺨﻴﺘﺶ ﺑﻴﻬﻮﻡ ﻣﺎﺳﺨﻴﺘﺶ ﺑﻤﺎﻟﻴﻦ ﺩﺍﺭ، ﻣﺎﺳﺨﻴﺘﺶ ﺑﺼﺤﺎﺑﻲ ﺃﻭ ﻣﺎﺳﺨﻴﺘﺶ ﺑﻠﻲ ﻋﺮﻓﺘﻬﻮﻡ ﻏﺎﻳﺒﻜﻴﻮ ﻣﻦ ﻗﻠﻮﺑﻬﻢ ﻋﻠﻰ ﺍﻟﻤﻮﺕ ﺩﻳﺎﻟﻲ ﻭﺍﻻﻛﻴﻦ ﻣﺎﻋﻨﺪﻱ ﻣﺎﻧﺪﻳﺮ، ﻫﺰُّﻭ ﺗَّﺎﺑﻮﺕ ﺃﻭﺣﻄُّﻮﻧﻲ ﻓﺪﻳﻚ ﻟﺤﻔﺮﺓ ﺍﻟﻤﻈﻠﻤﺔ ﻣﺎﺧﻼَّﻭ ﻟﻴَّﺎ ﺣﺘﻰ ﺍﻟﺒﻮﺭﻃﺎﺑﻞ ﺩﻳﺎﻟﻲ ﻧﺸﺪ ﺑﻴﻪ ﺳﺘﻮﻥ، ﺃﻭ ﻷﻭﻝ ﻣﺮﺓ ﻧﺤﺴﺪ ﺻﺤﺎﺑﻲ ﺣﺴﺪﺗﻬﻮﻡ ﻋﻠﻰ ﺍﻟﻮﻗﺖ ﻟﻲ ﺑﻘﻰ ﻟﻴﻬﻮﻡ ﺣﺴﺪﺗﻬﻮﻡ ﻋﻠﻰ ﺍﻟﺼﻠﻮﺍﺕ ﺃُﻭﻋﻠﻰ ﺍﻟﺼﻴﺎﻡ ﻟﻲ ﻏﺎﻳﺰﻳﺪﻭ ﻣﻦ ﺑﻌﺪﻱ، ﺑﻐﻴﺖ ﻧﺒﻜﻲ ﺩﻳﻚ ﻟﺤﻀﺎ ﺑﻐﻴﺖ ﻧﻐﻮﺕ ﺑﻐﻴﺖ ﻧﻬﺮﺱ ﺩﺍﻙ ﺗﺎﺑﻮﺕ ﻣﺎﺑﻐﻴﺘﺶ ﻧﻤﻮﺕ ﺩﺍﺑﺎ ﻣﺎﺯﺍﻝ ﻣﺎﻭﺟﺪﺕ ﻭﺍﻟﻮ ﺃﺷﻐﺎﻧﮕﻮﻝ ﻟﺪﻭﻙ ﺟﻮﺝ ﻟﻲ ﻏﺎﻳﻮﮔﻔﻮ ﻋﻠﻴَّﺎ ﻓﺎﺵ ﺗﺴﺪ ﺩﻳﻚ ﻟﺤﻔﺮﺓ ﺃﺷﻐﺎﻧﮕﻮﻝ ﻟﻠﻪ ﻓﺎﺵ ﺇﻳﺴﻮﻟﻨﻲ ﻋﻠﻰ ﺣﻴﺎﺗﻲ ﻓﺎﺵ ﺩﻭﺯﺗﻬﺎ ﺃﻭ ﻭﻗﺘﻲ ﻓﻴﻦ ﺿﻴﻌﺘﻮ، ﺣﻴﺎﺗﻲ ﻣﺸﺎﺕ ﺗﻤﻨﻴﻴﺖ ﻛﻮﻥ ﺭﺟﻊ ﻟﻴﻔﺎﺕ، ﻻﺣﻮ ﻋﻠﻴَّﺎ ﺗﺮﺍﺏ ﺃﻭ ﺷﻮﻙ ﺃﻭﺭﺟﻌﻮ ﻓﺤﺎﻟﻬﻮﻡ ﺑﺤﺎﻝ ﺇﻻ ﻋﻤﺮﻫﻮﻡ ﻣﺎﻋﺮﻓﻮﻧﻲ، ﺑﻘﻴﺖ ﺑﻮﺣﺪﻱ ...
« ﻳَﺎ ﺃَﻳَّﺘُﻬَﺎ ﺍﻟﻨَّﻔْﺲُ ﺍﻟْﻤُﻄْﻤَﺌِﻨَّﺔُ ﺍﺭْﺟِﻌِﻲ ﺇِﻟَﻰ ﺭَﺑِّﻚِ ﺭَﺍﺿِﻴَﺔً ﻣَﺮْﺿِﻴَّﺔً ﻓَﺎﺩْﺧُﻠِﻲ ﻓِﻲ ﻋِﺒَﺎﺩِﻱ ﻭَﺍﺩْﺧُﻠِﻲ ﺟَﻨَّﺘِﻲ »
ﺍﻟﻔﺠﺮ،

منقول للفائدة
abdelhamid
abdelhamid
مشرف (ة)
مشرف (ة)

ذكر عدد الرسائل : 4741
العمر : 66
Localisation : SUD
تاريخ التسجيل : 01/03/2007

الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى