صدى الزواقين Echo de Zouakine
مرحبا بك عزيزي الزائر. المرجو منك أن تعرّف بنفسك و تدخل المنتدى معنا ...اذا لم تكن قد تسجلت بعد نتشرف بدعوتك للتسجيل في المنتدى.

االشاعر عزالدين بلفقيه في قصيدة زجلية عن معاناة ساكنة الاقليم مع العطش.

استعرض الموضوع السابق استعرض الموضوع التالي اذهب الى الأسفل

االشاعر عزالدين بلفقيه في قصيدة زجلية عن معاناة ساكنة الاقليم مع العطش.

مُساهمة من طرف دليل في الإثنين 13 يونيو 2016 - 14:58



الله يفرج الهم..
علاش الصبي يبكي وينين
من حر العطش قالو مسكين
وحنا ف القرن الواحد والعشرين
يا اهل الحال كونو على يقين
حنا ما باغيين سكر ما باغين طحين
بغينا الماء فسيدي رضوان والزواقين
لا بير عامر... لا سانية
لا بزبوز.... لا ساقية
تروي العطشان والروح الفانية
الاشجار كرمات... والربيع يبس
ولبهايم هزلات..... والطير خرس
والبحت عل الماء....كابوس يهلوس
وحتا هنا... ف مدينة وزان
بلاد الشرفاء والضمان
بلاد التين والزيتون والرمان
عندنا مشكل د الماء من زمان
من تبنى السد حدانا فرحنا
وقلنا العطش غادي يهجرنا
سعا زادت.... تحلات جراحنا
قالوا الماء مشا زاد .. لعرباوة
وحنا لي قراب محنين بالعطش ا الخاوة
اش هاد الاستهتار بالبشر اش هاد الغباوة
بلا نفاق بلا كدوب ...
الماء اساس الحياة عليه ناضت شلا حروب
الله يفرج الهم.... الله يفرج المكتوب
مشا مجلس ...وجا مجلس
مشا فرعون ...وجا رمسيس
ومشا هارون ....وجات بلقيس
وما زال كاين المحنة والتكرفيس
كانت مدينة..... ولات عمالة
كانت وجه.... زيناتو خالة
وحالتنا بقات نفس الحالة
لا ماء زلال... يروي العطشان
لا ضوء بلا خلل يضوي المكان
وحنا عدي شي باس ما كان ...عدي شي باس ما كان
الله يفرج الهم الله يفرج المكتوب

عن : Ouezzane 24


دليل

ذكر عدد الرسائل : 152
العمر : 55
Localisation : beni mellal
Emploi : Enseignement
تاريخ التسجيل : 09/08/2006

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى