عبدالغني السيد

ع الحلوة والمرة – عبد الغني السيد
كلمات: سيد مرسي
ألحان: محمود الشريف

ع الحلوة والمرّة .. مش كنّا متعاهدين؟
ليه تنسى بالمرّة .. عشرة بقى لها سنين

نسيت خلاص عهدنا .. ونسيت ليالينا
ونسيت كمان ودّنا .. ونسيت أمانينا
كان أملي فيك غير كدا .. ليه تنسى ماضينا
حرام عليك كل دا .. شمّتهم فينا
راح تنسى كام مرّة .. وتفرّح اللايمين؟

أيامنا كانت هنا .. زايناها عشرتنا
وإيه أقول لك أنا .. غير بس قسمتنا
يا ناسي عهد الهوى .. ليه تنسى فرحتنا
أنا وانت كنّا سوا .. يا ما احلى دنيتنا
راح تنسى كام مرّة .. وتفرّح اللايمين؟

إزاي يهون حبّنا .. وتروح ما تسألشي
دي العشرة عندي أنا .. غالية ولا تهونشي
وان طال عليّا الأمل .. شاري ولا ابيعشي
ومهما طال الأجل .. حبّك ما بيضيعشي
راح تنسى كام مرّة .. وتفرّح اللايمين؟