أغاني لأم كلثوم كاملة وبجودة عالية

بديعة كتب:

هجرتك
غناء كوكب الشرق ام كلثوم
كلمات احمد رامى
الحان موسيقار الشرق
رياض السنباطى
انتاج عام 1959



كلمات الاغنية

هجرتك يمكن أنسى هواك.. وأودع قلبك القاسي
وقلت اقدر في يوم أسلاك.. وأفضي م الهوى كاسي
لقيت روحي في عز جفاك.. بافكر فيك وانا ناسي
غصبت روحي على الهجران.. وانت هواك يجري ف دمي
وفضلت أفكر في النسيان.. لما بقى النسيان همي
لو خطر حبك في بالي.. والا زار طيفك خيالي
حاولت أهرب م الأفكار..اللي تشعل نار حبي
وافضلت وانا بالي محتار.. في الحب بين عقلي وقلبي
وكان هجري عشان أنساك.. واودع قلبك القاسي
لقيت روحي في عز جفاك.. بافكر فيك وانا ناسي
صعبان عليّ جفاك.. بعد اللي شفته في حبك
مش قادر انسى رضاك.. أيام ودادك وقربك
لكن اعمل ليه ايه..وانا قلبي لسه صعبان علي
صعبان عليه ان اتمنى .. قربك
ونال مراده واتهنى .. بنعيم حبك
ورجعت تسقيه من صدك .. كاس الهجران
وتفوت عليه أيام بعدك .. سهد وحرمان
وكان أماني في يوم أنساك.. وأودع قلبك القاسي
لقيت روحي في عز جفاك.. بافكر فيك وانا ناسي
ياما حاولت أنساك .. وانسى ليلي هواك
وانسى الجمال اللي شفته.. في الوجود وياك
حرمت روحي من كل لنسمة.. كانت بتسري بينك وبيني
وحرمت روحي من كل نعمة.. كانت بتحلى وياك ف عيني
وقلت أعيش من غير ذكرى.. تخلي قلبي يحن إليك
ما فضلش عندي ولا فكرة.. غير إني أنسى أفكر فيك
وصبحت بين عقلي وقلبي.. تايه حيران
أقول لروحي من غلبي.. أنسى النسيان
مادام باهجر عشان أنساك.. وأودع قلبك القاسي
واشوف روحي في عز جفاك.. بافكر فيك وانا ناسي

Hamid El Alaoui كتب:

بديعة كتب:

رق الحبيب



كلمات الاغنية

رق الحبيب وواعدني يوموكان له مده غايب عني
حرمت عيني الليل م النوم لاجل النهار ما يطمني
صعب علي انام احسن ما اشوف في المنام
غير اللي يتمناه قلبي سهرت استناة
واسمع كلامي معاه واشوف خيالة جنبي
من كتر شوقي سبقت عمري وشفت بكرة والوقت بدري
وايه يفيد الومن مع اللي عايش في الخيال
واللي في قلبه سكن انعم علية بالوصال
طلع علي النهار سهران في نور الامل
وغنت الاطيار لحن الهوي والغزل
وفضلت افكر في ميعادي واحسب لقربه الف حساب
وكان كلامي مع اصحابي عن المحبة والاحباب
من فرحتي بدي اتكلم واقول حبيبي مواعدني
لكن اخاف ليكون بينهم مظلوم في حبه يحسدني
هجرت كل خليل لي وفضلت عايش مع روحي
احسن يبان شي في عنيه من كثر خوفي علي روحي
ولما قرب ميعادحبيبي ورحت اقابله
هنيت فؤادي علي نصيبي من قرب وصله
ولقيتني طايل من الدنيا كل اللي اهواه
بس اللي كان فاضل ليه اسعد بلقاه
لما خطر ده علي فكري حير امري
والقرب سبب تعذيبي ولقيتني خايف علي عمري
ليروح مني من غير ماشوف حسن حبيبي

Hamid El Alaoui كتب:

Hamid El Alaoui كتب:

بديعة كتب:

 

أحب عيشة الحرية زي الطيور بين الأغصان 
ما دام حبايبي حواليه كل البلاد عندي اوطان

مطرح ما بيجي في عيني النوم انام وانا مرتاح البال 
واغير الحال يوم عن يوم ما دام اشوف قلبي ميال        بحب عيشة الحرية

الحسن في الدنيا ألوان تحيي الفؤاد وترد الروح 
خفة ودلال وجمال فتان ترضي هواك مطرح ماتروح

القمر ساعة ظهوره يحلي نوره با حبايب 
والفؤاد يزيد سروره كل ما يشوف اللي غايب

شوف النسيم في الروض ساري ينبه الورد النعسان 
ادي خيالي وافكاري زي الطيور بين الأغصان         بحب عيشة الحرية