حكومة بولاحيا : عزيز الطهري (زجال مغربي)

هدي اول حكومة
فالمغرب شوفنها
كدافع عن المواطن
فكل صبحها ومسها
===========
حكومة بولاحيا
فتحت للمغاربة الشهية
بداو يتبعو السياسة
والبرلمان فالعشية
===========
المعارضة بكدوبها
ردتو جوطية
الشعب سحب التيقة
وفقدت المصداقية
==========
ولما ينضويهضرو
يتعرضو لسخرية
والوزير الوفا يكلسهم
ويكلهم نقصو من الكدوب شويا
============
ورئيس الحكومة
الابتسامة على وجهو مرسومة
وكيتعامل مع المعارضة
وكانهم جرتومة
===========
الاستقلالي والاشتراكي
كلهم معروفين فالحومة
كيكدبو على ولاد الشعب
وهدي مسالة مفهومة
=============
مزالين عايشين فالماضي
يسحب ليهم المغاربة دمدومة
المغاربة عاقو بهم
وعارفينهم جرتومة
=============
كيكلو فالهبرة
ويلحو لينا العظوما
والكافيار والويسكي
كرشهم به مكهومة
===========