السلبية.و.و.و.و.و.و.و

Marocaine pure

أنا بعدا كيقتلوني لمغاربة ما حاضيين غير التعياب و لا حاجة عاجباهم
كلشي كيعيب فكلشي اللي دويتي معاه ما عاجبو حال أوكيسب فالشفارة و الفاسدين و كروش لحرام أو زيد أو زيد....
فالتلفازة فينما يجيبو شي واحد كيبدا ينتقد فلاخر و يرجع ليه اللوم حتى واحد ما باغي يتحمل مسؤوليتو و يبدا من راسو كلشي مربع يديه أو باغي الدنيا تصايب غير بوحدها بشي عصا سحرية بحال إلا هذوك اللي مخسرين لبلاد جايين من شي كوكب آخر أنا بعدا ديما كنتساءل بما أن كلشي كيتبرأ من المفسدين إذن من هم هاذ المفسدين؟؟؟ عمري ما سمعت شي واحد تيقول إيه أنا كنساهم فالرشوة أو شي واحد تيقول إيه أنا تنغش في الخدمة أو شي واحد تيقول إيه أنا خصني نخدم بلادي و نراعي ربي فمسؤوليتي ما كاين غير اللي كيشير بصبعو للآخر
أو إلا طفرها يقول "الله إيصاوب" و اسيدي ربي راه قال (لا يغير الله ما بقوم حتى يغيروا ما بأنفسهم) راه الله مايصاوب حتى تصاوب نتا بعدا لو أن كل منا بدأ بنفسه و نظف سريرته و عقله و منزله و شارعه أكيد مغربنا سيصبح نظيف على جميع المستويات فلأبدأ بنفسي و ليبدأ كل منا بنفسه و ليشعر بمسؤوليته عندها ننتظر نتيجة حسنة أكيد بدل السلبية و" القرنابي"
تلقى واحد مخلي خدمتو أو ناشر رجليه فالقهوة مع صاحبو أو تيقول تفووو على بلاد كمتأخرة شوف أصاحبي الجابون فين واصلين و الصواريخ اللي طلعو أو ماشافش بللي راه الجابون ما تقدماتش بناس بحالو و لكن بناس متفانين في عملهم أو ما عرفش بأن في الجابون اللي صبح ناعس حتى العشرة الصباح تيدفنوه حيت تيحسابليهم ماااات ههههههه