العيـــــــــا شــي

وزان........نماذج بشرية

العيـــــــــا شــي
شْكون اللِّي ماكيْعْرْفوشي؟

العياشي من مجاذيب مدينة وزان يرسل الكلام على عواهنه
غير أن كلامه لا يخلو من طرافة وحكمة عفوية وانتقادات
لاذعة للمجتمع تلتقيه في الشارع أحينا فتسأله ويجيبك............

س: آش خبارك ألعياشي؟ = ج : الحمد لله على كلشي
" آشـنوخصك ألعياشي؟ = " ماخصنيشي وماعنديشي
" وباش عـايش ألعياش ؟ = " بالقنـاعة وهي كلــــــشي
" أجـي نقـلك ألعياشي = " لاتقوليـشي وما مجيشي
" ياكْ ما صـايم العياشي؟ = " الصيام دْ الله مانمسهشي
" بغيتْ نسـئلكْ ألعياشي = " سألني دْغية لا تطولشي
" مـالكْ زْربان ألعياشي؟ = "الوقتْ كاِلسيف مَيرحمشــي
" مالك حفـيان ألعياشي؟ = " باش علىالناس منعلاشي
" أشهـاد اللباس ألعياشي؟ = " ماعْريانشي مامكسيشي
" مالك جيـعان ألعياشي؟ = " الشبعانـين ماخـــلاو شي
" وفـين ْجارك ألعياشي؟ = " ودْنوصْمكة ماسمعنيشي
" وفـين دارك ألعياشي؟ = " دارالدنـــــــيا ما مناشي
" ودار اللآخرة العياشي؟ = " فيها غَ يْتســـاوى كلشي
" وفين اولادك العياشي؟ = " أنا عزري ما مزوجشي
" ومع من عايش العياشي؟ = "مع الوالدة "قْلتْ الشِّي"
" كــتْهلاَّ فيك العياشي؟ = " قلت الشي راه كترشي"
" وفيـن خو تك ألعياشي؟ = " شي فْالقهوة شي فلمارشي
" جابوا النفـقة ألعياشي؟ = " بصحتهم. ماعطونـيشي
" إيـوا اطلبهم ألعياشي؟ = "نفسي حارَّة ما تْسمــحشي
" وفين الرحمة العياشي؟ = " رحمة تالفة ما تصبتشي
" والتعـــاون العياشي؟ = " رجل مريض مايوقفشي
" والتكـــافل العياشي؟ = " كيسمعوبه مـــا يعرفوشي
" قاري شويـا العياشي؟ = "راهم قاريين و مصــبوشي
"اعليك بالحريك العياشي = "واخايحرقوني مانحرقشي
"خصك فــيزا العياشي = "أنا ف بلادي وماخرجشي"
" واشنهو الحـل العياشي؟ = " الحل محلول وما بغوشي
" دبر خدمــة ألعياشي = " ذراع الخدمة ماعنديشي
"واشــنو عندك ألعياشي؟ = "عندي ربي و مانســانيشي
" وْليـــكْ الله العياشي = "أما البشرْ مــــــا فيدو شي
"تبـقى بخــير العياشي = " أنا ويْاكْ والناس كلشي

العيـــــــــا شــي

العيـــــــــا شــي

العيـــــــــا شــي :: تعاليق