تكريم احْسِينُو
(الأخ الحنون)

حسن أو احسينو بائع الجرائد بوزان خدم مهنة الصحافة جل مراحل حياتـه
من خلال توزيــع الصحف والدوريـات
أقيم له حفل تكريــم بوزان
يوم6ـ5ـ2000 قدمت خـلاله هذه الزجليـــة اعترافا بالجمـــيل

باسم الله باشْ كيبدا البادي = ويصلى على مولاي محمد
هاذْ القصــيدة يا سيادي = ملحمة بْمشاعر وجدانـــية

*****************
هذا وزاني خلق فالْمْريتاحْ =وَْحِلْ عيونو فالشقا والكفاح
ماكان عندو رْكايزْصْحاحْ = الوالِدمْشاعند الله والأمْ وْلية
الولْد بْدا يْخدم على دْراعو = باش ما يسمع حدْ صْدعو
يتألم ،يبكي يمسح دموعو = يخدم بإخلاص صدق ونية
يْطَيبْ خبز الناس فالفران ْ= وْهويمكن مسكين جيعان
مريض،ضرُّوراسوأوعَيَّانْ= لا رخصة لا شهادة طبية

***************
هكْذا كْبرالعَزري وْلاَّرجل = مْتبتْ، صـابر و عــاقل
بدايشارك في الفداويناضل =ينخرط فالمنظمات الوطنية
سَلوعليه بوعياد فْلمقاومة =وطريق الوحدة المعلومة
شْحال ْقلَّع فيها من دومة = وسلوحركة الطفولةالكشفية
المسـيرة تعطيكم خبارو = هووسكان وزان وْما داروا
كُلشي خرج ساد باب دارو = وحسينو مْحـزّْم بالبطانية
وقبل و من بعد الاستقلال = وحسينو كيــبيع الجرنال
كيوزْعو بالصورة والمقالْ = من القْشْريين لرمْلْ لزاوية
عمل مع ناس الله يرحمهم = والوارث والمكتبات كلهم
ماعُمروماغشهم أوضرهم = حتى عمل كُوشْكْ فالقيسرية
وهكذاحْسينوبْدا يبيع لْراسو = يْطلقْ بالدين يْسمحْ فْفلوسو
عندوالقراء هُماحْبابووْناسو = والصحافةهي مَرتو الثانية
هادي مطبوعات "سابْريس"ْ = مجلات وجرائد "شُصْبرسْ
هاالاتحادوالعلم والكواليس = ها الميثاق وأحداث مغربية
الِّي بْغاشي كتاب أوجريدة = كيتصفح القديمة والجديدة
ولينِّي هذي ماشي قاعـدة = أوغيرحيتْ حسينورجل نِية

***************
فضل هاذالرجْلْ علىوزان = ما يْترد ْ ما يتـقدر بثمنْ
ماينصفولا شاعرولا فنان = ولا هاذ الحفلة التكريمـية
الرجل اعطا شبابولمدينتنا = وفناوقتووعمرو فْصحافتنا
قْرينا حْنا وْ قراو وْلـيدتنا = وبقاهواخ الأسرةالوزانية
ومزال محبوب عندالجميع = بالمكانة و المـقام الرفيع
حفضو لوليداتو يا سمـيعْ = وارْزُقهُ الصحة والعافية*

*احسينو امْشى عَندْ الله مْن بعدْ هدْ التكريمْ بْمدة قْليلة
وْبقاوْا وْليداتو الله يْعاونهم