الزربية

من طرف ربيع الخميس 30 أغسطس 2012 - 0:30

زربية حمرا مزروعة بالخير
خيوطها محبة هي بلادي

المدرة فيدينا وفيد الغير
مرحبا بللي يشاركني عيادي
ريفها جبال شامخة ورجال
وبحور ناصعة تهيج محال
والكلمة كلمة ما تقطع حبال
فكل قرية ومدينة فالشمال
الأطلس موال تطرب لو بلادي
اللون خضر فأرضو يرسموه ولادي
حب ورمان ودوالي وأشجار
بلاد الهمة والشان أرض جدادي
فأنجاد وقفوا هادوك لولاد
وقفة شرقية وتما كانو لوتاد
الزربية حمرا ولخضر وسطها ساد
مادا منها الريح ما وسخها مداد
وعند النخلة وقفات لقلام
تكتب التاريخ تحقق لحلام
بلحمر ولخضر تلون ليام
توحدات بلادي ترفعت لقلام
هادي بلادي فوقها لحمام
يرفرف بجناح الفرحة يا سلام
لونها دمي والقلب ينبض أحلام
المغرب جنة من جنان ليام
يحفظك المولى وهذا خير لكلام

محمد بلغازي
31 أكتوبر 2010

الزربية 38603910151072050508375