الغراب و الثعلب ( بالعامية المغربية )/عبد القادر وساط

هذا غْرابْ = فوقْ الشَّجْرَة

شادّ تِيقارُو

فُرْماجْتُو

فْمَنْقارُو

شَمّها الثعْلَبْ = مَنْ بابْ دارُو

نَقّزْ أو گالْ = مَنْ هْنا طارُو

و ملّي وْصَلْ = دايرْ عْجاجَة

لاحْ عَيْنُو = لّفُرْماجَة

شافْها تَبْري = بْحالْ الزَّاجَة

عَيَّطْ : " يا غْرابْ = يا زينْ السّميّا

رَبّي الوهّابْ = فَضًّلَكْ عْليّا

بالخَلْقْ الزينْ = و اللونْ الصافي

و الطبعْ لَحْنينْ = و الصوتْ الدّافي

ابغيتكْ يا غرابْ = يا سيدْ لَقْوافي

تْحَنّ عْليّا = أو تْغَنّي ليا

را غْناكْ إيشافي "

أو مَلّي غرابْ = اسْمَعْ صْياحُو

خبَّا رْزيقُو = تحتْ جْناحُو

أو قالْ ليهْ شوفْ = يا كْبيرْ الجُّوفْ

يا بُو عْجاجَة

ما تفلت ليك
حتى حاجة

شْحالْ فْرَسْتي = منْ فَرّوجْ

و شحال طحنتي = منْ دْجاجَة

أو جايْ طامعْ = فْفُرْماجَة !