قلكم با التامي... "طاحت الصومعة علقوا الفقيه!!" / بقلم محمد السقال
صفحة 1 من اصل 1
قلكم با التامي... "طاحت الصومعة علقوا الفقيه!!" / بقلم محمد السقال
من طرف عبدالرحيم الأحد 1 نوفمبر 2015 - 7:30
لبارح الجمعة با التامي وخا كان طالعلو الزعف بسبب الما والضو لي جاو غاليين، قرر أنه يحط الهم فالشبكة شي يطيح وشي يبقى، الجمعة هادي الواحد خصو يستغفر مولاه ويمشي للجامع وينسا المشاكل ديال الدنيا شويا، با التامي فطر بزيت الزيتون وشي زويتنات جديدين شراتهم المدام نهار الخميس وشرملتهم على اليد وهو كيقول "هادشي لي رابحين فهاد الأرض السعيدة"، من بعد ما فطر وسلا دخل يدوش باش يمشي للجامع هو كيقول فبالو "على الله ميطيحوش علينا هاد التدويشة بغسيل الفندق"، با التامي لبس الجلابة دالحبة كيف العادة وقصد الجامع، هو عزيز عليه يمشي يصلي فجامع بدر حيت فيها واحد الفقيه كيستافد من الخطبة ديالو، با التامي كيبغي يمشي للجامع بكري شويا باش يقرا شويا دالقرآن ويدي شي بركة دالحسنات حيت هي لي بقات فيدو أما شي لاخر سبقوه ليلو صحابين الحسنات!،
المهم وصل وقت الخطبة، با التامي شاف فالمنبر بانلو طالع واحد الفقيه جديد ما فايتلوش شافو!، قال مع بالو "يمكن القفيه للي مولف عليه يكون عندو شي شغل هاد النهار داكشي علاش ما جاش"، من بعد الصلاة سمع الناس كيقولو بأن الفقيه لي مولف يخطب فهاد الجامع وقفوه حيت تكلم المرة لي فاتت على غلاء الما والضو!، با التامي سخط وقلهم "حتى الفقيه لي كان عاجبنا فهاد المدينة تبعونا عليه اللهم إن هذا منكر"،
طلع با التامي للدار وهو كيغزز جنابو بالغدايد كيف العادة، مني وصل حطت المدام الشهيوة ديال الجمعة كصعة ديال الطعام كيفما كيبغيها با التاميٍ، المدام شافتو ما كيضربشي الطعام بحال ديما، سولاتو "مالك أ الراجل مكتاكلشي" جاوبها "لا والو غير وقفوا الفقيه" قالتلو "وقفوه فين وقفوه" قالها "لا وقفوه زعما مغاديش يخليواه يخطب مرة أخرى" تعجبت المدام من كلامو "علاش وقفوه شنو دار؟" قلها "الناس فالجامع قالو وقفوه ظلما وعدوانا حيت تكلم الجمعة لي فاتت على غلاء الضو والما"، وهي تشعل المدام وصوتها ولا كيسمعوه الجيران قالت "علاش بالسلامة يوقفوه واش كذب عليهم؟ ياك قال غير الحق، بلاصت ما يوقفو دوك لي مقابلين الماكن ديال الضو والما ما كيجيوش يقيدو ماشين يتحكرو على الفقيه هادي راها التبهديلة بالشلاغم" نطق الولد قالهم "فعلا أبا أنا شفت هاد الفقيه لي وقفوه فالفايسبوك منشور فدار الضمانة وفعيون وزان وفرصد المغربية... والناس بزاف متضامنين معاه وحتى أنا متضامن معاه وا يجيو يوقفوني"، قالو با التامي "علاه نتا خدام بعدا باش يوقفوك" قالو "لا باش يوقفوني من البطالة"، ضارت فيهم المدام قالتهم "حتى أنا متضامنة مع الفقيه وا يجيو يوقفوني من الخدمة"، قلها با التامي "يا نتينا خدامة ونا ما فخباريش"، جوباتو "ومال شغول الدار ماشي خدمة يجيو يوقفوني على شغول الدار"، نطقت البزيزوزة الصغيرة قالتهم "حتى أنا غادي نضامن مع الفقيه باش يوقفوني مانمشيش نالروض"!!
با التامي بانتلو القضية كبرت وهو يكمل عليها... "قالهم عليا باليمين وباش كيحلفو الشلاغمية، حتى أنا غادي نضامن مع الفقيه وغادي نقولها نالجيران وصحابي باش يضامنو معاه ضد فدوك مالين الضو والما لي قهرونا وزايدين باغيين يسكتونا...!!
المهم وصل وقت الخطبة، با التامي شاف فالمنبر بانلو طالع واحد الفقيه جديد ما فايتلوش شافو!، قال مع بالو "يمكن القفيه للي مولف عليه يكون عندو شي شغل هاد النهار داكشي علاش ما جاش"، من بعد الصلاة سمع الناس كيقولو بأن الفقيه لي مولف يخطب فهاد الجامع وقفوه حيت تكلم المرة لي فاتت على غلاء الما والضو!، با التامي سخط وقلهم "حتى الفقيه لي كان عاجبنا فهاد المدينة تبعونا عليه اللهم إن هذا منكر"،
طلع با التامي للدار وهو كيغزز جنابو بالغدايد كيف العادة، مني وصل حطت المدام الشهيوة ديال الجمعة كصعة ديال الطعام كيفما كيبغيها با التاميٍ، المدام شافتو ما كيضربشي الطعام بحال ديما، سولاتو "مالك أ الراجل مكتاكلشي" جاوبها "لا والو غير وقفوا الفقيه" قالتلو "وقفوه فين وقفوه" قالها "لا وقفوه زعما مغاديش يخليواه يخطب مرة أخرى" تعجبت المدام من كلامو "علاش وقفوه شنو دار؟" قلها "الناس فالجامع قالو وقفوه ظلما وعدوانا حيت تكلم الجمعة لي فاتت على غلاء الضو والما"، وهي تشعل المدام وصوتها ولا كيسمعوه الجيران قالت "علاش بالسلامة يوقفوه واش كذب عليهم؟ ياك قال غير الحق، بلاصت ما يوقفو دوك لي مقابلين الماكن ديال الضو والما ما كيجيوش يقيدو ماشين يتحكرو على الفقيه هادي راها التبهديلة بالشلاغم" نطق الولد قالهم "فعلا أبا أنا شفت هاد الفقيه لي وقفوه فالفايسبوك منشور فدار الضمانة وفعيون وزان وفرصد المغربية... والناس بزاف متضامنين معاه وحتى أنا متضامن معاه وا يجيو يوقفوني"، قالو با التامي "علاه نتا خدام بعدا باش يوقفوك" قالو "لا باش يوقفوني من البطالة"، ضارت فيهم المدام قالتهم "حتى أنا متضامنة مع الفقيه وا يجيو يوقفوني من الخدمة"، قلها با التامي "يا نتينا خدامة ونا ما فخباريش"، جوباتو "ومال شغول الدار ماشي خدمة يجيو يوقفوني على شغول الدار"، نطقت البزيزوزة الصغيرة قالتهم "حتى أنا غادي نضامن مع الفقيه باش يوقفوني مانمشيش نالروض"!!
با التامي بانتلو القضية كبرت وهو يكمل عليها... "قالهم عليا باليمين وباش كيحلفو الشلاغمية، حتى أنا غادي نضامن مع الفقيه وغادي نقولها نالجيران وصحابي باش يضامنو معاه ضد فدوك مالين الضو والما لي قهرونا وزايدين باغيين يسكتونا...!!
عبدالرحيم-
عدد الرسائل : 352
العمر : 46
تاريخ التسجيل : 05/08/2008
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى