مول الأزلية

مـول الأزلــيـة
هو اسي احمد(مول الأزلية)كما كنا نسميه في وزان
نهاية الستينيات كان يخـرج كل عشية بعد العصـر
إلى ظاهر المديــــنة لمكـان معروف بالمُونية
المحــطة الطرقية حاليا) فيتجـمهر عليه النـاس
ليستمعوا إلىحكاياته الشعبية المشوقة

كان يامـــاكــــان = كان أيـــام زمـــان
رجــل ف مديــنة وزان = هو السـي احمد الأزلية

راجل مزيــان مع كلشي =ماخصــوشي وماعندوشي
وبلا بيه ماتحـــــلاشي = الحكـايـات الشعبيـة

كان سي احمــدراجل كبير = عندو ما يقول اشي لكثير
وكنــت دري مزال صغير = تعجبني الحلقة الوزانية

كانــو الناس يتجمعو عليه =يبدا يحــكـي وسمعوليه
يشخــص الحــدث بيديه = أو بالعصـى الخشـبية

كان يجـــي بعد العصر = يلقـى الجمهـور كينتظر
يفتــــح الكتاب يبدا يختر= ف الحكـايات الشعبية

هــــذي حكايات الف ليلة =هذا حديـدان مول الحيلة
حكـــايةالفتــاة الجميلة = عائشـة رميدة المغربية

يحكينا علــــىتاجر بغداد= و المقامات و السندباد
وعنـــترة وبنــي شداد = وراس الغـول و الأوليا

جا عنــترة ياالسـامعين =ضـرب ليمين طيح سبعين
ضرب لشمال طيح ثسعين =اجمع احسابك ....ستين وميا

كان اســـي احمد يشوقنا= وف المعـركة كيعيشـنا
و كنــا نميـلو بريوسنا =حسب الضــربة العنترية

ينهي ســـي احمد المعركة= يعطواه الناس شي بركة
بهــــا يــدور الحركة =و يشري كتـوب الأزلية

وهكدا كانـت الحلقة ف وزان= مقصد الشيـوخ والشبان
كيف جامع لفــنا أوالفدان = كيـف وزان ف المونية

مشات أيـــام وجات ايام= ومرت شهوروسنين وعوام
تغيــرت لحوال تبدل لمقام = وحلقـة زمـان فين هي

سي احمد هجـر البلاد = وكلامـو مشا مع الوادالواد
وتبنـات فالحلقة حوانت اجداد =محطة نقل و قيسارية

وصبحت الحلقـة ف خبر كان= يا مــا كان أيام زمان
حتىكان ف مدينة وزان = كان السي احمد مول الأزلية

مول الأزلية

مول الأزلية

مول الأزلية :: تعاليق