رد: الامثال الشعبية Proverbes populaires

من طرف آمال الأحد 30 يناير 2011 - 16:30

لي هرسوه الصالحين كيجبروه الوالدين ولي هرسوه الوالدين مايجبروه صالحين
والمعنى أن المسخوط الله ينجينا وينجيكم حاله عمرو مايتصلاح

من طرف لبنى السبت 5 فبراير 2011 - 16:04

* قدها قد الصيبة أودايرة مصيبة.

من طرف آمال السبت 5 فبراير 2011 - 22:00

لي كلا دجاج دالناس كيسمن ديالو
العراضة سنة والعاقل ما يدنا
كياكل ويلعان بحال جنان ليهودي
الواد لي داك ماخلاني

الى كثر الربيع لا تفرط ف العلف و العلافة و الى كنت مومن لا تمشي عند الشوافة و الله يحفظك من الرهوط لا يضربوا لك تلافة

حادكّة من الحادكّات بغات تفور عجنات بغات تعجن عصدات بغات تعصد دارتو حريرة و كفحاتها

آش يبسك آالكرمة وعروقك فالماء قالت :الفايت فيا
اللي يخونها ذراعها تقول: أنا مسحورة

قال للقبر ردلي بوي ... قالّه أنا نستنى فيك

حثى شاب ..عاد علق الحجاب..مشا ليه ملكو ..وفرسوه بنات الكلاب

وخى الراس مغطي بالكنشوش والرجلين فالشربيل المنقوش لا زين إلا زين الخنشوش

سيدي مع عيالو وانا نترجى خيالو.

في دارها نعاسة و في دار الناس رقاصة

ما تتكلم حتى تخمم و ما تسرج حتى تلجم

من طرف آمال الأحد 17 أبريل 2011 - 23:28

لا طاس لا يدو لا مباركة لي ترفدو
دي وجيب كتقطاع لحبيب
حزمولي ورزمولي وما تكلوشي عليا
العيد الصغير دالزيارة والعيد الكبير كل وحدة تجلس فدارا

جالس على الزبالة ويحكم على الدبانة
لي حطب شي شطبة يجرّا
جا يعاونو على قبر باه هربلو بالفاس
كل مبدي مكمول
البلاد أم
قبر منسي ولا شكارة خاوية
الخدمة مع الشرفا الهز على القفا والمشي بالحفا ويزيدوها لك بمسخوط الوالدين

* ما تقطع الواد حتى تبان حجارو وما تمشي في الليل حتى يطلع نهارو وما تصحب صديق حتى تعرف خبارو .

* حوش حوش آش جا ما يعمر هاذ الكروش غير الحجر و الببوش.

* قرشالي قرشال...ولي حتاجو نسلفوليه...وما يقول بشحال.

* البومة لو كان فيها خير ما خلوها الصّـيّـادة .

الصراحة.. راحة.. خذوها منا بالراحة

حالتي حالت النافخ العافية على قلبو والطيقان فجنبو =حالة من يتكبد المشقة مع قلة الحيلة والقوة
الفم لمسدود مادخلو دبانة =فائدة الصمت يبعد المشاكل
النوالة دالعنكبوت خسارة فلي يموت =أي لا قيمة لمتاع الدنيا بما أننا سنموت

الفقيه دحمان, قرا البرة سبع ايام, و قاليهم الخط عيان.
شوف بيتو, وخطب بنتو.
انا في همو كندادي وهو فتقلاع وتادي.
السفيه تينطق غبر باللي فيه.
الشوف ما يبرد الجوف, والناقة ما ترضع الخروف.
الحرفة الى ما غنات تستر, أو واقيلا تزيد فالعمر.
الهضرة عليك أ لحادر عينيك.
حماتي و جه الدلو, هي حارة و ولدها حلو.
دخلناهم يشربوا الرايب قالوا حقنا فالزرايب.
دخل ياكل الفريك أصبح معانا شريك.
الدنيا دراعة كل واحد كيلبسها ساعة.
لو كان الصفيحة ترد العار, لو كانت رداتو على الحمار.
ما كينسي البنت في امها غير همها.
إيلا ارخص الشعير اغلات الحمير.
الرجل بالهمة أما اللحية راها حتى عند العتروس.
سيدي يحرث بلا سكة و لالا تغزل بلا ركة (فلكة )و الهم جا لعندهم و تكا .
اللي تلقا ايدو في جيبك عمرو ما يكون حبيبك .
الفم ما بقات فيه حتى سنة وما بغا يتهنا .
اللحية في البيت و العايلة خرجات تجيب الزيت .
ثلاثة من علامات الهبال: الغادي السوق بلا مال و الغادي البير بلا حبال و الكالس وسط الجماعة و ما رادش البال .
ثلاثة من علامات العذاب : الركاد في الجلاب و الشريب من فم القراب و الزواج ببنت الكلاب .
ولد السبع سبع ما حدو يكبر و هو كيخلع وولد الضبع ضبع تسخرو مو يجيب الخميرة يجيب الشمع .
قال ليه شمتك قال ليه عرفتك.

الامثال الشعبية Proverbes populaires - صفحة 10 956672

الامثال الشعبية Proverbes populaires - صفحة 10 956672

حمقاء وقالوا لها زغرتي .

السوس ما كيلعب غير في الخشب النقي .

اللي حبه ربه واختارو يجيب له رزقه حتى لباب دارو .

اسكتنا لو ادخل بحمارو .

اللي بغا طامو يحل بزطامو .

الخيل واقفة و الحمير كتبورد .

الكفن ما عندو جياب .

اللي ما عندو لا قلم ولا دواية ما معول على قراية .

الشوكة تولد الوردة والوردة كتولد الشوكة .

لا تشري حتى تقلب ,ولا تصاحب حتى تجرب .

اللي لعباتو المعزة فقرون الجبال كتخلصو فدار الدباغ .

ربي كيرزق كل روح باش تروح
لارنب حمقة وزادت السلاقslag
الخدمة مع النصارى ولا لجلاس خسارة
ما كيدخل بين الظفر واللحم غير بودحاس
درجة بدرجة حتى يحن مولى الرجا
الطير العيان كيطير قبل الطيور
الجنازة كبيرة والميت فار
لي ربى شي غراب ينقبلو عينو
بلارج مشى يبوس ولدو عورو
الهدرة بين جوج والثالث خلاط والرابع يكل الزلاط
عيبت المسلوخة على المذبوحة جات مقطعة الراس قلتلم الله ينجينا من هاد الناس
جمل ما كيشوفشي كورتو كيشوف غا كورت صاحبو

من طرف آمال الأحد 8 مايو 2011 - 23:24

فلوس اللبن كيديهم زعطوط
وريه وريه وإلا عمى سير وخليه
باع دارو وكرى عند جارو
إلا تكبر عليك شي عيفة قل ما كتنفخ غير جيفة
كل فولة خامجة كيجبلا ربي غرنوق عور
كل زرع كيجبلو ربي كيالو
العقبة فوجه لحباب حدورة
لي عندو فلوسو مسحولو كفوسو

من طرف آمال الخميس 12 مايو 2011 - 0:44

الفار المقلق من سعد القط.
أنا كنقول لحبيبي وحبيبي كيقول لحبيبو وكلامي فين ما مشيت نصيبو.
ماتعرف العدو من الصديق غير فالشدة والضيق.
ما جات الهجالة تبكي حتى كانت مولات الرجل هرات عينا
الساعي يسعى ومرتو تصدق فباب الفندق.
أهندة قل لوردة تقول لساعي الله يفتح.
حتى ولية متعيب على ولية وخا تكون يهودية ولانصرانية .
لي معندوش راس مالو المعقول هو راس مالو .

من طرف آمال الخميس 12 مايو 2011 - 16:26

ما كينساو الحسايف غاولاد تلايف .
كل خنوس عند يماه غزال
شحال قدك من سبحان الله يا لي بايت بلا عشا .
كولا عام بلا شي تكلا ديما بالدواز
المراة إلا ما كلاتشي العصى من الأحد للأحد ماكيقدى حد
وهبا لله واعطيها للكافر بالله
إلا بغى ربي يغنيني يثقب السما ويعطيني
ربي مع راس الغريب

من طرف said الخميس 12 مايو 2011 - 17:35

الدراسة قد سنبلت (الله يرحم السي الميلودي )

من طرف آمال الجمعة 13 مايو 2011 - 17:53

السلام عليكم
الحساب صابون .
الدنيا مد لارب.
قالو فين ماشي أجحا قالو نتكرى قالو وديلك قالو كريت عليه.
قالو فين ماشي ألمنجل قالو نقطع العود قالو قطع غلي لاصق فيك .
الدنيا إلا عطاتك لا تفرحلا وإلا داتلك لا تحزن لا
لي ماعندوشي يماه .. يماه هي العشا .{أي لا تتأخر بعدالعشاء عن الدخول إلى البيت ولو لم تكن أمك موجودة والتي عادة ما تحذر أبناءها من التأخر ليلا .}

يصباح ويفتاح أولا يفتاح قبل مايصباح .
ربي كبييتا فشان ويصبحا فشان وهو عظيم الشان .
اللشغول دليل ضحكة لنهار
السفيه كينوي شي فيه .

* اللي بغيتي توحشو سلفو .

* اللي يتنفخ على اللبن يشتاقو .

* السعاية ما يحترفها غير معطوب ولا مزغوب .

*مسخوط مراتو ما تعرف وجهو من قفاتو .

* الله ينعل كاس البلار اللي نشرب فيه المرار.

من طرف آمال الخميس 26 مايو 2011 - 19:00

حتى زين ماخطاتو لولا حتى بلعمان فيه لكحولة
إلى عواجت غا عطيها الطريق
لهلا يدور بنا يدين غا لكانوا يدين الخير
ليلة من لفرح كتنعنش وليلة من الهم كتكمش

من طرف messariya السبت 28 مايو 2011 - 19:19

حضي راسك من البلا لا يبليك و من المرا لا تلعب بك

ولد عارف احسن من عشرة حتارف

اتت الناموسة فوق بقرة و قالت ليها سمحيلي على الضبرة

لعيب على الجمل يلى طلع للسطاح اما القط هاديك هي عوايدو

غرزة زايدة فيا و هم لعرى فايت فيا.

الصنعة يلاما غنات كتستر واقلة كتزيد فلعمر

ديرها فالرجال وترجاها و ديرها فالنسا و لا تنساها.

كاين اللي جوابو ف فمو و كاين اللي داسّو فكمو وكاين اللي حتى يشاور امّو

ا