رد: الامثال الشعبية Proverbes populaires

من طرف سارة السبت 8 مارس 2008 - 15:41

-السماء عالية والارض احنا فيها.

-شي فوق وشي تحت.

-موا المليح باع وراح.

-حتى تنور الملحة.

-بحالها بحال مريق.

merci beaucoup

أمثــال جبلية أصيلــة:

ـ إلى جا بلارج ما بقا في الحرث ما يتعالج!
ـ إلى نفخ لك الريح صفي!
ـ ذ تهرس منجلــه يلقي منه محيتشه!
ـ الطير د الجبل ما يتــاوى مع طير ذ لــوطــا!
و إلى مرة أخرى...

سيوانة كتموت وعينها فالفلوس
الامثال الشعبية Proverbes populaires - صفحة 2 893558422979

الزين ف الدفلة و عروقها حارين ما كلاتو بهيمة و ما علقاتو زعيمة .
الامثال الشعبية Proverbes populaires - صفحة 2 628774Nerium_oleander2

لا يعجبك نوار الدفلى في الواد داير ظلايل
ولا يعجبك زين الطفلة حتى تشوف الفعايل

* سوق النسا سوق مطيار يا داخل رد بالك يوروك من الربح قنطار ويديوا ليك راس مالك.
*بهوت النسا بهتين من بهوتهم جيت هارب يتحزموا باللفاع ويتخللوا بالعقارب

*ديرها في الرجال و نساها و ديرها في النسا و تسناها

*اللي ما عندو بنات ما عرفو حد باش مات .

*الزين يحشم على زينو و الخيب الى هداه الله

*الهم همين فيه الباين وفيه المخبي . المخبي المرا تولد والراجل يربي .والباين يلا شركتي مع المرا البهايم .

*ما هي لا بالشطيح و لا بالرديح ما هي الا بالسعد المليح.

*نوضوها ما بات تنوض ناضت حاروا فيها.

*حزموني ورزموني ولا تعولوا عليا

*لو يكون الرمل زبيب و بو رقراق حليب عمر السلاوي ما يكون للرباطي حبيب .

من طرف nezha السبت 24 مايو 2008 - 15:10

حزمو لي ورزمو لي وما تعولوش علي

*حرك الماء يبان العطشان .

*الجبلي ادا تبلد بحال البندير ادا تجلد

*اللي شفتوه راكب على قصبة قول ليه مبارك العاود.
*اللي خلا غداه لعشاه ربي غناه.
*اللي ما رقع كساتو و ذبح شاتو يتعزى ف حياتو .
*اللي تايخسر كثر من ما تيصور على الحبس تيدور
*اللي ندم يمشي لو عربونو .

من طرف nezha السبت 24 مايو 2008 - 15:35

اخي حاول على احميرك تحج عليه وبالعربيه را الكونيكسيون عني ناقصة غا بالتاويل

*يلا تسلطو الورثة على البحر يفرقوه بالغرارف.
*يلا مرضت نحمد ربي ويلا صحيت نعمل زلة ومول العقل يولي بكري قبل ما تديه الحملة .
*يلا دحاك البخيل عند الكريم تبات .
*يلا شفتي المحمل عوج وللي هازو عرج عرف للي فيه غادي لجهنم .
*يلا بغاك الشهر بهلالو اش عندك ف النجوم يلا مالو

من طرف nezha السبت 24 مايو 2008 - 15:39

راه راه والغواة وراه
عيني فيه ما قديت عليه

من طرف nezha السبت 24 مايو 2008 - 21:45

واديها في سوق راسك

من طرف nezha السبت 24 مايو 2008 - 21:54

الي تغوتو اجريه
الي ترهنو اشريه
عاش من عرف قدره وجاس دونه
الهذرا ما تشري خضرا
تااحية التي تبسها انتفها
هاك ورا ما تعلم حزارا

من طرف ع أ ع السبت 24 مايو 2008 - 22:39

*لو يكون الرمل زبيب و بو رقراق حليب عمر السلاوي ما يكون للرباطي حبيب.

*اللي تايخسر كثر من ما تيصور على الحبس تيدور.
*يلا تسلطو الورثة على البحر يفرقوه بالغرارف.
*يلا شفتي المحمل عوج وللي هازو عرج عرف للي فيه غادي لجهنم .

كتب الأخ القيطي هده الأمثال يشكر عليها لأنها
أكثر من النكت في معانيها جميلة جدا.
تتقتل بالضحك.

من طرف nezha الأحد 25 مايو 2008 - 12:03

اللهم في الديب(الذئب)ديالنا ولا في الديب دارهونة او دغزاوة
يسيعمل في مواطنة عدة وحسب المواقف

قالوا زمان :
اللي بغا يكبر شانو ................يحرث مع قرانو درتيها ايدي ...................تودي
درجة بدرجة ....................حتى يحن مول الرجا
قالوا زمان :
زين المراة ف ضياها...............وزين العاتق ف حياها
مراة المنحوس..................... ما هي مطلق ما هي عروس
حلفت العروسة ما تحب الحماه.......حتى تبياض الفحمة ! !
لا عجوزة تفلق......................ولا راجل يطلق
الى شفتي موكة خطابة..............عرف بلارج عريس
الى درتيها ف الرجالة ترجاها......والى درتيها ف النسا لا تنساها ! !
حديث النسا يونس ويعلم الفهامة
يعملوا من الريح قلادة و يحلقوا لك بلا ما! !
قالو زمان :
راح ديك الزمان وناسه............وجا هذ الزمان بفاسه
الي يتكلم بالحق ................يهرسو له راسه
وريه وريه.................ولى عما سير وخليه
الفقيه اللي ترجينا بركته ..... ..دخل الجامع بلغته
الناس ف الناس .............و القرع ف مشيط الراس
الزين كيحشم على زينه........و الخايب الى هداه الله
قالوووووووووو زمان:
العين صعيبة تتقتل الكسيبة وتخوي الزريبة
لهلا يسلطها على الحبيب و الحبيبة
لو كان الصفيحة ترد العار..........كن رداتو عل الحمار
قالو زمان :
اللي زيانت ايامه..........تيشير بكمامه
دابا كلينا وشربنا ......ونسينا الحرابل باش سعينا
دخانهم عمانا...........وطعامهم ما جانا
قالو زمان :
المدبوحة تتضحك عل المسلوخة...........واللي مقطعة طراف قالت لهم ديوني نشوف
حبوبة ف وجهي حكيتها سال دمها .........خليتها زاد همها
قالو زمان الله يرحم من زار وخفف

* اطلع تاكل الباكور انزل شكون قالهالك.
* دوام الحال من المحال.
* يلا درتي بحالك بحالو باش فتيه.
* الله ينجيك من المشتاق يلا ذاق.
* السلطان بالتاج و كيحتاج.
* السلطان بجلالت قدرو و كتقال فدهرو.
* اللي كيربي ولاد الناس بحال اللي كيدق الما فالمهراز.

الامثال الشعبية Proverbes populaires - صفحة 2 499886ane12rs4

* السفيه ما كينطق غي بلي فيه.

* ودن صمة و الاخرى فيها الماء.

* اللي ما شاف من عين الغربال اعمى.

* حتى كينعسو الطيور عاد كتقوم الهامة دور.

* اللي ما جاب لا قلام ولا دواية ما عول على قراية.

* حتى تطيح الشتى يا قرمان عاد يصبن حوايجو حمان.

*راكبة على ظهر السبع وتقول الحدايات غاد يكلوني
حديث النساء يونس ويعلم الفهامة
يعملوا قلادة من الريح ويحلقوا لك بلا ماء
والمعنى: أنهن بكلامهن اللين يغلبن الرجال فينقادون إلى ما يردن.
نوصيك يا حارث الحلفاء بالك من دخانها لا يعميك
لا تتزوج المرأة غير العفيفة تتعاون هي والزمان عليك
والمعنى: أن هناك نوعا من النساء فيه مضرة للزوج، فكأنها بعدم حسن تصرفها تعين الزمان عليه.
*يا اللي تنادي قدام الباب نادي وكن فاهم
ما يفسد بين الأحباب غير النساء والدراهم
والمعنى: أن النساء بكلامهن والنزاع بينهن يفسدن بين الأصحاب؛ لأن أزواجهن
ينصتون في آخر الأمر إلى أقوالهن. أما المال بالخصوص فيسبب المشاكل مع
الأصحاب والأقارب.
*الطير الطير ما ظنيته يطير من بعد ما والف
ترك قفصي وعمر قفص الغير رماني في بحور بقيت تالف
والمعنى: هجران المرأة بيت زوجها بعد ألفة ومؤانسة ومعاشرة دامت سنين.
العبد اللي كان مدوب ما تعيبه كحوله
والحر اللي كان مجعوب ما يسوى نص فوله
والمعنى: المرء في المجتمع بسيرته وصناعته وطباعه لا بلون بشرته، والحر الذي يظن نفسه أعلى من الأسود فهو منحط لا يساوي شيئا.
*خفيف الأقدام يمل ولو كان وجهه مرايا
قليل الأكتاف ينزل لو كان جهده عتاية
والمعنى: هو من يكثر التردد على الناس ويقلقهم يُملّ، ولو كان في أحسن
صورة، ومن لا أنصار له ولا يوجد من يعينه ويحميه فقد يهان ويذل ولو كان
محمود السيرة.
*سافر تعرف الناس وكبير القوم طيعه
كبير الكرش والراس بنص فوله تبيعه
والمعنى: للسفر فوائد كثيرة، ويجب طاعة أولي الأمر، وهي من قواعد الإسلام، والطماع والمغرور بنفسه ليس له قيمة معتبرة.
*نوصيك يا واكل الخوخ من عشرة رد بالك
في النهار تظل منفوخ وبالليل تبات هالك
والمعنى: الأشياء النفيسة الثمينة التي يبالغ فيها تكون مضرة

* تيدور الزرع حتى كيدور وكيرجع لعين الرحى.
* اللي حبك ما بنالك قصر واللي كرهك ما حفرلك قبر.
* اللي تيكون اناني تيبقى وحداني.
* اللحية مكترفد اللحية غير لقبر.
* اطلع امساري واهبط شاري.
* ما ينفع غير الصحيح اما الراشي كايديه الريح.
* مول البنات ما يبات هاني.
* الله يعطينا شي نقرة فين يغبر نحاسنا.
* الصنعة يلا ما غنات كتستر واقيلة كتزيد فلعمر.
* اللي ما ولدو ما حن عليه.
* الطماعين كيباتو في الشماعين.

من طرف nezha الأحد 25 مايو 2008 - 18:06

ما اخي انت والمجدوب مع المراة
المراةنصف المجتمع وتربي نصفه الثاني

ولا تنس ان غدا عيد الامهات

را اليوم عيد الام 25 ماي..ومل بيني وبينها غير الخير والاحسان..والله اخطاتنا حتى نتلفو..
الامثال الشعبية Proverbes populaires - صفحة 2 712381mother_6_L

من طرف nezha الأحد 25 مايو 2008 - 18:24

وراحنا تالفين بها وبلا بها
وحتى هيتالفة ودايخة الله يكون معنا ومعاها